2022-mi suliaqarfik suliffigisaq

Suliaqarfik suliffigisaq kisitsisitigut paasissutissat ukiumoortumik saqqummertarput.

 

Naatsorsueqqissaartarfimmit kisitsisitigut paasissutissat saqqummersinneqartartareerput ukununnga tunngasut; innuttaasut, suliffeqarnermi pissutsit, isumaginninnermik pisartagallit aamma ilinniagaqarnermut kisitsisitigut paasissutissat. Saqqummersitami uani kisitsisitigut paasissutissani qulaani taaneqartut taputartuunneqarput, taamaasilluni sulisut suliaqarfinni sumi sulineri paasinarsarneqarlutik.

 

Innuttaasut qaammatit tamaasa suliaqarfinnut assigiinngitsunut immikkoortiterneqartarput ilaatigullu aamma pisortanit ikiorsiissutit isertitat ilanngunneqartarlutik. Inuit tamarmik immikkoortunut assigiiaarlugit inissinneqarput, assersuutigalugu sulisut ilinniaqarnersiutillit imaluunniit suliffissaaleqisut pisortanit ikiorsiissutinik pisartut. Inuk qaammammi ataatsimi immikkoortunut assigiinngitsunut inissinneqarsinnaappat, periuseq aalajangersimasoq atorlugu inissinneqartarpoq, taamaasilluni inissiisarneq assigiiaarpoq.

 

Piffissamut ungasinnerusumut sulisorineqarsinnaasunik naatsorsuutinut ilaatigut kisitsisitigut paasissutissat atorneqarsinnaapput, taakkulu ilisimatusarnermi sukumiisumillu itisiliinerni atorneqarsinnaapput.

 

Suliamut atatillugu innuttaasunik killiliineq

Innuttaasunik nalunaarsuutit malillugit innuttaasut misissuiffigineqartut killilerneqarput.

 

Suliaqarfiit suliffigisat nalunaarsorneqartarput novembarimi decembarimilu innuttaasut ukiup siuliata naanerani innuttaasunut nalunaarsuiffimmut ilaatinneqartut tunngavigalugit.

 

Nalunaarsuutit nalunaarsuutinit allanit allaanerussutaat

Nalunaarsuutit kisitsisitigut suliffeqarnermi pissutsinut, isumaginninnermut ilinniartitaanermullu paasissutissanut pingaarutilinnut sanilliullugu annikikkaluamik allaanerussuteqalaarpoq. Siulliussinissamut malitassat, nalunaarsuutinik najoqqutassatut qinersineq, ukioqqortussutsinillu agguataarinerit aamma aningaasarsiat killilerneri pissutaallutik nalunaarsuutinit allanit allaanerupput. Innuttaasut pillugit kisitsisitigut paasissutissat ass. innuttaasut amerlassusaat, ukioqqortussutsinut immikkoortiterinerit, najugaqarfiit sumiinneri il.il., innuttaasunut kisitsisitigut paasissutissat assinginik suliarineqarput.

 

Siuliani saqqummersinneqartumit allaanerussutit

Suliffeqarnermut pissutsinut, inunnik isumaginninnermut aamma ilinniartitaanermut nalunaarsuutit allannguuteqalaarnikuupput. Taakku saniatigut periaaseq inunnik isumaginninnermut aningaasaqarnermut tulluarsarlugit suliarineqarnikuupput, taamaasilluni inunnik isumaginninnermut aningaasaqarnermut siumoortumik naatsorsuutinut atorneqarsinnaasunngortinneqarnikuullutik. Allannguut annerpaaq lærlingit ilinniarnermut tapisisartut, ilinniartunut ilinniaqarnersiutilinnut ilanngunneqarnerat.

 

Saqqummersitami uani suliffeqarfik suliffigisaq ukiuni 2016-2022 nutaamik naatsorsorneqarput 2023-mi saqqummersitat nutaamik naatsorsorneqarlutik.

 

Kisitsisaataasivik

Kisitsisaataasivimmi periarfissaqarpoq kisitsisitigut paasissutissanik ukununnga tunngasunik aallernissamik; najugaqarfik, ukioqqortussuseq, suiaassuseq aamma ukioq. Kisitsisaataasivimmi paasissutissat 2016-imiit 2021-mut pissarsiarineqarsinnaapput

 

Itisiliilluni misissueqqissaarnerup inerneri

Immikkoortumi tulliuttumi misissuinerup inerneri takussutissianngorlugit saqqummersinneqarput.

 

Tabel 1: 2017-2022-mi novembarimi innuttaasut suliffeqarnerat

 

	2017	2018	2019	2020	2021	2022
Katillugit	55.877	55.992	56.081	56.421	56.562	56.609
00 Suliffillit annertunerusumik nalunaarsuuteqanngitsut  ......................	25.498	26.257	26.477	26.522	27.108	27.342
01 Ilinniartut tapisiallit suliffillit  ................	1.209	1.321	1.334	1.345	1.345	1.389
02 Ilinniartut tapisiaqanngitsut suliffillit  ........	228	330	277	246	234	249
03 Siusinaartumik soraarnerussutisiallit suliffillit	160	167	177	150	148	152
04 Utoqqalillutik soraarnerussutisiallit suliffillit  .	320	266	316	359	358	418
05 Meerartaarnermi ullormusiallit suliffillit.......	378	375	407	370	317	307
10 Suliffeqanngikkallarnermi ikiorsiissutinik pisartagallit suliffillit  ..........................	481	376	363	293	279	273
11 Pisortanit ikiorsissutaanik pisartut suliffillit  ..	537	488	364	294	300	221
12 Suliffillit, majoriaq..........................	135	124	144	100	84	90
20 Suliffissaaleqisut suliffeqanngikkallarnermi ikiorsiissutinik pisartagallit  ....................	130	83	66	89	66	39
21 Suliffissaaleqisut pisortanit ikiorsiissutinik pisartagallit...................................	1.031	835	768	797	703	576
23 Suliffissaaleqisut suliffeqanngikkallarnermi ikiorsissutisineq ajortut........................	388	333	291	317	233	180
30 Ilinniartut tapisiallit  .........................	1.731	1.564	1.495	1.665	1.557	1.420
31 Ilinniartut tapisiaqanngitsut  .................	166	186	147	157	174	159
32 Majoriami ilinniartut, ikaarsaariarneq........	511	476	406	439	394	367
40 Suliffeqanngikkallarnermi ikiorsissutit.......	39	24	51	46	29	40
41 Pisortat ikiorsiissutaat......................	656	530	493	453	416	389
50 Siusinaartumik soraarnerussutisiallit........	2.153	2.224	2.185	2.223	2.425	2.319
60 Utoqqalillutik soraarnerussutisiallit  .........	3.408	3.466	3.449	3.522	3.350	3.382
70 Meeqqat inuusuttuaqqallu 15-it angullugit ukiullit........................................	12.538	12.465	12.460	12.514	12.400	12.371
90 Suliffillit avataaniittut allat...................	4.180	4.102	4.411	4.520	4.642	4.926

Najoqqutaq: https://bank.stat.gl/SONATI1

 

Kisitsisaataasivimmi suliffeqarnermut tunngasut kisitsisit sukumiinerusut pissarsiarineqarsinnaapput.

 

Suiaassutsinut immikkoortitat: https://bank.stat.gl/SONATI1

 

Distriktinut immikkoortitat: https://bank.stat.gl/SONATI2

 

Ilinniagaqassutsinut immikkoortitat: https://bank.stat.gl/SONATI4

 

Ukioqqortussutsinut immikkoortitat: https://bank.stat.gl/SODATI5